کچھ تو اپنی ہر تمنا کی تپش ہوتی ہے
اور کچھ لوگ بھی شعلوں کو ہوا دیتے ہیں
ریاض لغاری
جو آندھیوں میں پانیوں کے الٹے نہ رخ کھے سکے
وہ ناؤ نا خدا سیہ ' پتوار با د باں سیہ
ریاض لغاری
سحر قریب ہے کٹنے کو ہے شب ظلمت
میرے وطن کے مکیں دل میں حوصلہ رکھیں
ریاض لغاری
خزاں کے سامنے نے خدا کے سامنے ہم لازوال بن جائیں
جگر کے خون سے گلشن سدا ہرا رکھیں
ریاض لغاری
کس کس نے ازار دیے ہیں کس کس نے برباد کیا
اپنوں نے پر نوچ لیے جب غیروں نے آزاد کیا
ریاض لغاری
افق پہ گھٹائیں سی چھانے لگی ہیں
زمیں پہ سیاہی بڑھانے لگی ہیں
ریاض لغاری
ہوسکتا ہے مٹ جاؤں تیرے جور و جفا سے
ہوسکتا ہے بڑھ جائے جنوں اور زیادہ
ریاض لغاری
میرے بنائے ہوئے ریت کے گھروندے ہیں
یہ بحر میں جو ابھرتا ہوا جزیرہ ہے
ریاض لغاری
خواب لے کے آنکھوں میں اپنی اپنی منزل کے
کارواں سفر پیما اپنی اپنی راہوں میں
ریاض لغاری
کس ٹہنی پہ جوڑ کے رکھیں تنکے ہم بیچارے لوگ
نہ گلشن نہ موسم اپنے ہم پنچھی بنجارے لوگ!
ریاض لغاری
نہیں ثبات جہاں کو جہان فانی ہے
سنا ہے بلبلہ پانی کا زندگانی ہے
ریاض لغاری
تو دل میں زخم لیے مسکرا کے ملتا ہے
سکھا دیا ہے تجھے کس نے زندگی کا ہنر
ریاض لغاری
سانپ سانپوں کو نہیں کرڈستے مگر
آدمی نے آدمی کو ڈس لیا
ریاض لغاری
کسی کی آنکھ سے بہتا ہوا سیہ کاجل
لگے ہے جیسے سیہ رات میں سیہ بادل
ریاض لغاری
تیرا کرم خدایا یہ تیری عنایت ہے
یہ میرے شعروں میں جو سوز ہے روانی ہے
ریاض لغاری
امید نو کی کرن تو کبھی کی پھوٹ چکی
مگر فلک پہ ابھی تک وہی اندھیرا ہے
ریاض لغاری
انتخاب : - متفرق اشعار مختلف غزلوں اور نظموں سے لیے گئے متفرق اشعار
شاعر: ریاض لغاری
